ലോക കപ്പ് ജേതാക്കളായ അര്‍ജന്റീനയുടെ സൂപ്പര്‍താരം ലയണല്‍മെസി അമേരിക്കയിലെ പ്രധാന ക്ലബ്ബ് ആയ ഇന്റര്‍മിയാമിയുമായുള്ള കരാര്‍ നീട്ടി. 2028 ഡിസംബര്‍ വരെ കരാര്‍ നീട്ടിക്കൊണ്ട് താരം പുതിയ ഉടമ്പടി ഔദ്യോഗികമായി ഒപ്പുവച്ചു. മേജര്‍ ലീഗ് സോക്കര്‍ ടൂര്‍ണമെന്റിലാണ് മെസി വര്‍ഷങ്ങളായി കളിച്ചുവരുന്നത്. കരാര്‍ നീട്ടുന്ന കാര്യം കഴിഞ്ഞ ആഴ്ച വാക്കാല്‍ ലയണല്‍ മെസി സമ്മതിച്ചിരുന്നു. ഇതോടെ അര്‍ജന്റീനിയന്‍ ഇതിഹാസത്തെ മൂന്ന് വര്‍ഷത്തേക്ക് കൂടി യൂറോപ്യന്‍ ക്ലബ്ബുകള്‍ക്ക് നഷ്ടമാകും.
2023 ജൂലൈയിലാണ് മെസി ഇന്റര്‍ മിയാമിയില്‍ എത്തുന്നത്. ക്ലബ്ബിലെത്തിയതിന് ശേഷം ടൂര്‍ണമെന്റിന്റെ ആരാധക പിന്തുണ വര്‍ധിച്ചു. ലോകത്തിന്റെ പല കോണുകളിലായി മേജര്‍ ലീഗ് സോക്കര്‍ അറിയപ്പെട്ടു.
ഇതൊക്കെ വിലയിരുത്തിയാണ് മെസിയുടെ ആവശ്യങ്ങള്‍ ഒന്നൊന്നായി അംഗീകരിച്ച് ക്ലബ്ബ് അധികൃതര്‍ കരാര്‍ നീട്ടി വാങ്ങിയിരിക്കുന്നത്.
മെസിയുടെ നേതൃത്വത്തില്‍ ഇന്റര്‍ മിയാമി പുതിയ ഉയരങ്ങളിലെത്തിയെന്നും അദ്ദേഹത്തിന്റെ വരവ് ക്ലബ്ബിനെ ലോക ഫുട്‌ബോളിലെ ഏറ്റവും കൂടുതല്‍ ചര്‍ച്ച ചെയ്യപ്പെടുന്ന ക്ലബ്ബുകളിലൊന്നാക്കി മാറ്റിയെന്നും മത്സരങ്ങള്‍ ലോകമെമ്പാടുമുള്ള റെക്കോര്‍ഡ് കാണികളെയും ടെലിവിഷന്‍ പ്രേക്ഷകരെയും ആകര്‍ഷിച്ചുവെന്നുമൊക്കെയാണ് വിലയിരുത്തല്‍.
Read More
ഇന്ത്യയിലുള്ളത് മികച്ച ആരാധകർ, അവരെകാണാൻ കാത്തിരിക്കുന്നു, ഡിസംബറിൽ എത്തും’; വരവ് സ്ഥിരീകരിച്ച് മെസി
അകത്തോ പുറത്തോ?; ഗോളെന്നുറപ്പിച്ച മെസിയുടെ ഫ്രീകിക്ക് ഇഞ്ച് വ്യത്യാസത്തില്‍ പുറത്ത്, ക്ലബ് ലോക കപ്പില്‍ ഇന്റര്‍മയാമിക്ക് സമനിലപൂട്ട്
ലോകത്തിലെ ഏറ്റവും ധനികനായ ഫുട്‌ബോളറുടെ പട്ടികയില്‍ ബാഴ്‌സലോണ സൂപ്പര്‍ താരം ലയണല്‍ മെസി ഒന്നാമത്
കോവിഡ് 19 പ്രതിസന്ധി രൂക്ഷം; എഎഫ്‌സി കപ്പ് ഫുട്ബോൾ റദ്ദാക്കി
