മണിപ്പൂർ സമാധാനത്തിലേക്ക്; ദേശീയപാത വീണ്ടും തുറക്കാൻ സമ്മതിച്ച് കുക്കികൾ

രണ്ടു വർഷത്തിലേറെ നീണ്ട സംഘർഷത്തിനു ശേഷം മണിപ്പൂർ സമാധാനത്തിലേക്ക്. ദേശീയ പാത – 02 വീണ്ടും തുറക്കാൻ കുക്കി-സോ കൗൺസിലിൽ (KZC) തീരുമാനമായി. ഡൽഹിയിൽ ആഭ്യന്തര മന്ത്രാലയവും കുക്കി-സോ കൗൺസിൽ പ്രതിനിധി സംഘവും തമ്മിൽ നടന്ന ചർച്ചകളിൽ ആണ് തീരുമാനം. സുരക്ഷാ സേനയുമായി പൂർണ്ണ സഹകരണം കുക്കി-സോ കൗൺസിൽ ഉറപ്പ് നൽകി. എംഎച്ച്എ, മണിപ്പൂർ സർക്കാർ, കുക്കി നാഷണൽ ഓർഗനൈസേഷൻ (കെഎൻഒ), യുണൈറ്റഡ് പീപ്പിൾസ് ഫ്രണ്ട് എന്നിവർ ത്രികക്ഷി കാരറിൽ ഒപ്പ് വച്ചു.ഇന്ന് മുതൽ ഒരു വർഷത്തേക്കാണ് സമാധാന കരാർ.

ഈ നിർണായക പാതയിൽ സമാധാനം ഉറപ്പാക്കാൻ സുരക്ഷാ സേനയുമായി ചേർന്ന് പ്രവർത്തിക്കുമെന്ന് കുക്കി-സോ കൗൺസിൽ വ്യക്തമാക്കി. നിലവിൽ പ്രവർത്തിച്ചുവരുന്ന ക്യാമ്പുകളുടെ എണ്ണം കുറയ്ക്കാനും ആയുധങ്ങൾ അടുത്തുള്ള സിആർപിഎഫ് അല്ലെങ്കിൽ ബിഎസ്എഫ് ക്യാമ്പുകളിലേക്ക് മാറ്റുന്നുണ്ടെന്ന് ഉറപ്പാക്കാനും കരാറിൽ വ്യക്തമാക്കുന്നുണ്ട്. മേഖലയിലെ സുരക്ഷയും സ്ഥിരതയും വർദ്ധിപ്പിക്കുന്നതിനാണ് ഇത്തരം നടപടികൾ. ഇതനുസരിച്ച് സംഘർഷ സാധ്യതയുള്ള പ്രദേശങ്ങളിൽ നിന്ന് ഏഴ് നിയുക്ത ക്യാമ്പുകൾ മാറ്റി സ്ഥാപിക്കും.വിദേശികളെ കണ്ടെത്തി തിരികെ അയക്കാനും കരാറിൽ പറയുന്നുണ്ട്.

Read More

മീരാബായി ചാനു ഇനി മണിപ്പൂർ പോലീസിൽ എ എസ് പി; സമ്മാനമായി ഒരു കോടി രൂപയും നിയന്ത്രണങ്ങളിൽ വീണ്ടും മാറ്റം: ഡി മേഖലകളിൽ തിങ്കളാഴ്ച കട തുറക്കാൻ അനുമതി, സിനിമാ ഷൂട്ടിംഗിനും അനുമതി പ്രധാനമന്ത്രി മണിപ്പൂർ സന്ദർശിച്ചേക്കും; സന്ദർശനം സെപ്റ്റംബർ 13ന് ആകാശത്തു വച്ച് വിമാനത്തിന്‍റെ എമർജൻസി വാതിൽ തുറക്കാൻ ശ്രമിച്ച യാത്രക്കാരൻ അറസ്റ്റിൽ