തിരുവനന്തപുരം: വർക്കലയിൽ 17 വയസ്സുകാരന് പൊലീസിന്റെ മർദ്ദനമേറ്റെന്ന പരാതി സ്പെഷ്യൽ ബ്രാഞ്ച് ഡിവൈഎസ്പി അന്വേഷിക്കും. അന്വേഷിച്ച് ഉടൻ റിപ്പോർട്ട് സമർപ്പിക്കാൻ ജില്ലാ പൊലീസ് മേധാവി നിർദേശം നൽകി. അന്വേഷണ റിപ്പോർട്ട് ലഭിച്ചതിനുശേഷം മാത്രമായിരിക്കും തുടർ നടപടി. ആരോപണം അടിസ്ഥാനരഹിതമെന്നാണ് വർക്കല പൊലീസ് ആവർത്തിക്കുന്നത്. സിസിടിവി ദൃശ്യങ്ങൾ തെളിവാണെന്നും പൊലീസ് പറയുന്നു.
കുട്ടിയെ ഹോട്ടലിൽ നിന്ന് കൂട്ടിക്കൊണ്ടുപോകുക മാത്രമാണ് ചെയ്തതെന്നും കുട്ടിയുടെ കാലിന് പരിക്കൊന്നും സംഭവിച്ചിട്ടില്ലെന്നും വർക്കല പൊലീസ് വിശദീകരിക്കുന്നു. മർദ്ദന വിവരം പുറത്ത് പറഞ്ഞാൽ കുടുംബത്തെ കള്ള കേസിൽ കുടുക്കുമെന്ന് പൊലീസ് ഭീഷണിപ്പെടുത്തിയെന്ന് 17കാരൻ പറഞ്ഞു. ജീപ്പിൽ വെച്ച് എസ്‌ഐ മുഖത്തടിച്ചെന്നും സ്റ്റേഷനിലെത്തിയപ്പോൾ രക്തം ഛർദിച്ചെന്നും 17കാരൻ പറഞ്ഞു. വിഷയത്തിൽ പ്രതിഷേധവുമായി പ്രതിപക്ഷ യുവജന സംഘടനകളും രംഗത്തെത്തി.
അടിപിടി കേസുമായി ബന്ധപ്പെട്ട് പൊലീസ് അന്വേഷിച്ചെത്തിയ പ്രതിയുമായി 17കാരൻ ഫോണിൽ ബന്ധപ്പെട്ടെന്ന സംശയത്തിലായിരുന്നു മർദ്ദനം എന്നാണ് പരാതി. ശരീരമാകെ മർദനമേറ്റപാടുകളുണ്ട്. കാൽ ഒടിഞ്ഞെന്നും കഴുത്തിന് പരുക്കുണ്ടെന്നും കുട്ടിയുടെ മാതാവ് പറഞ്ഞു. സംഭവത്തിൽ വർക്കല എസ്.ഐ ഉൾപ്പെടെ നാല് പൊലീസുകാർക്കെതിരെ നടപടി ആവശ്യപ്പെട്ട് മാതാവ് ഡി.വൈ.എസ്.പിക്കും ബാലാവകാശ കമ്മീഷനും പരാതി നൽകിയിരുന്നു.
Read More
ബൂട്ടുകൊണ്ട് കാല് ചവിട്ടി ഒടിച്ചു, ആളൊഴിഞ്ഞ പ്രദേശത്തെത്തിച്ച് മർദിച്ചു; വർക്കലയിൽ 17കാരൻ നേരിട്ടത് പൊലീസിന്റെ അതിക്രൂര മർദ്ദനം
ആള് മാറി പൊലീസ് രാജ്: വർക്കലയിൽ പൊലീസ് ആളു മാറി മർദിച്ചെന്ന് പരാതി, 17 കാരന്റെ കാൽ ഒടിഞ്ഞു
മൂന്ന് ഉന്നത പൊലീസ് ഉദ്യോഗസ്ഥര്‍ പ്രതികളായ പൊന്നാനി പീഡനക്കേസ്; ക്രൈംബ്രാഞ്ച് എസ്‌ഐടി അന്വേഷിക്കും
സ്മാർട്ട്‌ഫോൺ വാങ്ങാനായി ഭാര്യയെ 1.8 ലക്ഷം രൂപയ്ക്ക് വിറ്റു; 17 കാരൻ അറസ്റ്റിൽ
