തിരുവനന്തപുരം∙ പാറശാലയിൽ റെയിൽവേ ട്രാക്കിൽ മണ്ണിടിഞ്ഞു വീണ് ട്രെയിൻ ഗതാഗതം താളംതെറ്റി. മണ്ണു നീക്കാനുള്ള ശ്രമങ്ങൾ തുടരുന്നു. നിരവധി ട്രെയിനുകൾ റദ്ദാക്കി. മണ്ണിടിച്ചിലിനെ തുടർന്ന് പാറശാല റെയിൽവേ സ്റ്റേഷനു സമീപം ബിലാസ്പുർ– തിരുനൽവേലി എക്സ്‌പ്രസ് പാളം തെറ്റി. ട്രെയിൻ പാറശാല റെയിൽവേ സ്റ്റേഷനു സമീപം നിർത്തിയതിനു പിന്നാലെയാണ് എൻജിന്റെ നാലു ചക്രങ്ങൾ പാളം തെറ്റിയത്. പാളം തെറ്റിയ എൻജിനും ട്രെയിനും അവിടെനിന്ന് നീക്കി. യാത്രക്കാരെല്ലാം സുരക്ഷിതരാണെന്ന് റെയിൽവേ അറിയിച്ചു. യാത്രക്കാർക്കായി ബസ് സൗകര്യം ഏർപ്പെടുത്തുമെന്നും റെയിൽവേ അറിയിച്ചു. പുലർച്ചെ രണ്ടു മണിയോടെയാണ് അപകടം.
മണ്ണിടിച്ചിലിനെ തുടർന്ന് തിരുവനന്തപുരം– നാഗർകോവിൽ റൂട്ടിൽ ട്രെയിൻ ഗതാഗതം തടസ്സപ്പെട്ടു. മണ്ണ് പൂർണമായും നീക്കി തുടർ പരിശോധനകൾക്കു ശേഷമേ ട്രെയിൻ ഗതാഗതം പുനഃസ്ഥാപിക്കാൻ കഴിയൂ.
റദ്ദാക്കിയ ട്രെയിനുകൾ
∙ തിരുവനന്തപുരം നോർത്ത്–നാഗർകോവിൽ പാസഞ്ചർ(56306)
∙ നാഗർകോവിൽ – തിരുവനന്തപുരം നോർത്ത് പാസഞ്ചർ(56309)
∙ നാഗർകോവിൽ– കൊല്ലം ജംക്‌ഷൻ പാസഞ്ചർ
∙ കൊല്ലം ജംക്‌ഷൻ–നാഗർകോവിൽ പാസഞ്ചർ
∙ തിരുവനന്തപുരം നോർത്ത്–നാഗർകോവിൽ പാസഞ്ചർ(56310)
∙ നാഗർകോവിൽ – തിരുവനന്തപുരം നോർത്ത് പാസഞ്ചർ
പിടിച്ചിട്ടിരിക്കുന്ന ട്രെയിനുകൾ
∙ താംബരം– തിരുവനന്തപുരം സെൻട്രൽ സ്പെഷൽ
∙ മധുരൈ– പുനലൂർ എക്സ്‌പ്രസ്
∙ താംബരം– തിരുവനന്തപുരെ സെൻട്രൽ അമൃത് ഭാരത് എക്സ്‌പ്രസ്(56305)
പുറപ്പെടാൻ വൈകിയ ട്രെയിനുകൾ
∙ കന്യാകുമാരി– മംഗളൂരു സെൻട്രൽ പരശുറാം എക്സ്‌പ്രസ്
∙ നാഗർകോവിൽ–പുനലൂർ പാസഞ്ചർ
∙ പുനലൂർ– കന്യാകുമാരി പാസഞ്ചര്‌
∙ തിരവനന്തപുരം സെൻട്രൽ–താംബരം എക്സ്‌പ്രസ്
ഗുരുവായൂർ– ചെന്നൈ എഗ്‍മോർ എക്സ്‌പ്രസ്, പുണെ–കന്യാകുമാരി എക്സ്‌പ്രസ് എന്നിവയും വൈകുമെന്ന് റെയിൽവേ അറിയിച്ചു.
Read More
കനത്ത മഴ: തിരുവനന്തപുരം-കന്യാകുമാരി റൂട്ടിൽ രണ്ട് ട്രെയിനുകൾ റദ്ദാക്കി, 10 ട്രെയിനുകൾ ഭാഗികമായി റദ്ദാക്കി
റെയിൽവേ ഡിവിഷൻ വിഭജനം: തിരുവനന്തപുരം, പാലക്കാട് ഡിവിഷനുകൾ വെട്ടിമുറിക്കണമെന്ന് തമിഴ്നാട്ടിലും ആവശ്യം
പരശുറാം, ഏറനാട് എക്‌സ്പ്രസുകളിൽ നവംബർ 25 മുതൽ ജനറൽ കോച്ചുകൾ പുനഃസ്ഥാപിക്കും
പരശുറാം, ഏറനാട് എക്‌സ്പ്രസുകളിൽ നവംബർ 25 മുതൽ ജനറൽ കോച്ചുകൾ പുനഃസ്ഥാപിക്കും
