തിരുവനന്തപുരം ∙ ദേശീയപാത 6 വരിയാക്കുന്നതിന്റെ ഭാഗമായി കഴക്കൂട്ടം മുതൽ കടമ്പാട്ടുകോണം വരെയുള്ള ഭാഗത്ത് 12 ഉയരപ്പാതകളുടെയും 2 കട്ട് ആൻഡ് കവർ ടണലുകളുടെയും ഒരു അടിപ്പാതയുടെയും നിർമാണത്തിനായി ദേശീയപാത അതോറിറ്റി 959.25 കോടി രൂപയുടെ കരാർ ക്ഷണിച്ചു. ടെക്നോപാർക്ക് ഫെയ്സ് 4, പള്ളിപ്പുറം സിആർപിഎഫ് ജംക്ഷൻ, ആറ്റിങ്ങൽ മാമം എന്നിവിടങ്ങളിലാണു പുതിയ ഉയരപ്പാതകൾ വരുന്നത്. ആകെ ദൈർഘ്യം 5.34 കിലോമീറ്റർ. മലപ്പുറത്തും കൊല്ലത്തും ദേശീയപാതയിൽ റീട്ടെയ്നിങ് വാളുകൾ നിർമിച്ചു മണ്ണ് നിറച്ചു നടത്തിയ നിർമാണങ്ങളിലെ അപാകത മൂലം അപകടമുണ്ടായതിനെ തുടർന്നാണു ഡിസൈൻ പുനഃപരിശോധിച്ച് ഉയരപ്പാതകളുടെ നീളം കൂട്ടാൻ തീരുമാനിച്ചത്.കേരളത്തിന്റെ ഭൂപ്രകൃതിയും കാലാവസ്ഥയും പരിഗണിച്ചാണു ഡിസൈനിലെ മാറ്റമെന്നു ദേശീയപാത പ്രോജക്ട് ഡയറക്ടർ ദീപപ്രസാദ് സാഹൂ പറഞ്ഞു. ഒന്നര വർഷമാണു പദ്ധതികൾ പൂർത്തിയാക്കാനുള്ള കാലപരിധി. പുതിയ പദ്ധതികൾ കൂടി നടപ്പാക്കുന്നതോടെ ദേശീയപാത വികസനം മുൻ നിശ്ചയിച്ചത് പോലെ ഡിസംബറിൽ പൂർത്തിയാകാൻ സാധ്യതയില്ല. 11.15 കിലോമീറ്റർ ദൈർഘ്യമുള്ള ആറ്റിങ്ങൽ ബൈപാസിൽ വയലുകളും നദിയും വരുന്ന സ്ഥലത്ത് മണ്ണിന് ഉറപ്പില്ലാത്ത ഭാഗത്താണു തൂണുകളിൽ മേൽപാലം നിർമിക്കുക. ഇവിടെ വാമനപുരം നദി കഴിഞ്ഞുള്ള ഭാഗത്താണു കട്ട് ആൻഡ് കവർ രീതിയിൽ 2 ടണലുകൾ നിർമിക്കുക.ദേശീയപാത കുറുകെ കടക്കാൻ കാൽനട യാത്രക്കാർക്കായി അടിപ്പാത വരുന്നതും ആറ്റിങ്ങൽ ബൈപാസിലാണ്. പള്ളിപ്പുറത്ത് ടെക്നോപാർക്ക് ഫേസ് 4ന് സമീപം കനത്ത മഴയിൽ മുൻപു ദേശീയപാതയിൽ വെള്ളം കയറിയിരുന്നു. കുറക്കോട്,ടെക്നോസിറ്റി മേഖലയിൽ റോഡ് മുഴുവൻ വെള്ളത്തിൽ മുങ്ങിയതോടെ മണിക്കൂറുകളോളം വാഹന ഗതാഗതം തടസ്സപ്പെട്ടിരുന്നു. ഇത് കണക്കിലെടുത്താണ് ഇവിടെ ഉയരപ്പാത നിർമിക്കുന്നത്.
Read More
കടൽ അതി പ്രക്ഷുബ്ധമാകാൻ സാധ്യത; കേരളാ തീരത്ത് നിന്ന് കടലിൽ പോകുന്നതിന് നിരോധനം ഏർപ്പെടുത്തി
കേരളത്തിന് മുന്നറിയിപ്പുമായി കേന്ദ്ര കാലാവസ്ഥ വകുപ്പ്, ഇടിമിന്നലോടെ മഴ തിരിച്ചെത്തുന്നു, ജാഗ്രത നിർദ്ദേശം പുറപ്പെടുവിച്ചു; ജില്ലകളിൽ യെല്ലോ അലർട്ട്
തിരുവനന്തപുരം ലൈറ്റ് മെട്രോ പദ്ധതി; ആദ്യ ഘട്ട അലൈൻമെന്റിന് മുഖ്യമന്ത്രിയുടെ അംഗീകാരം
മൈസൂർ-മലപ്പുറം ദേശീയപാത പുതിയ നിർദ്ദേശത്തിന് പിന്നിൽ, ദേശീയപാത 766 അടച്ചുപൂട്ടാൻ ശ്രമിക്കുന്നത് ലോബികളാണെന്ന് സുൽത്താൻ ബത്തേരി മർച്ചൻ്റ് അസോസിയേഷൻ വാർത്ത സമ്മേളനത്തിൽ ആരോപിച്ചു
