ഇസ്ലാമാബാദ് ∙ കഴിഞ്ഞദിവസം കാണാതായ പാക്ക് ചരക്കുവിമാനത്തിന്റെ അവശിഷ്ടങ്ങൾ കണ്ടെത്തി.അറേബ്യൻ കടലിൽ തുറമുഖ പട്ടണമായ ഒർമാരയ്ക്ക് അടുത്തായിട്ടാണ് അവശിഷ്ടം കണ്ടെടുത്തത്. കറാച്ചിയിൽ നിന്ന് 360 കിലോമീറ്റർ അകലെയാണ് ഈ സ്ഥലം. അതേസമയം വിമാനത്തിലുണ്ടായിരുന്ന അഞ്ച് ജീവനക്കാരെ കുറിച്ച് ഇനിയും വിവരം ലഭിച്ചിട്ടില്ല. ഇവർക്കായി തിരച്ചിൽ തുടരുകയാണ്. 12 മണിക്കൂർ നീണ്ട തിരച്ചിലിന് ശേഷമാണ് വിമാനത്തിന്റെ അവശിഷ്ടങ്ങൾ ലഭിച്ചത്. അഞ്ച് ക്രൂ അംഗങ്ങളുമായി ഷാർജയില് നിന്നും കറാച്ചിയിലേക്ക് പോകുകയായിരുന്ന പാക്കിസ്ഥാന്റെ ബോയിങ് 737 ചരക്കുവിമാനമാണ് കഴിഞ്ഞദിവസം കാണാതായത്. വിമാനത്തിന്റെ നാവിഗേഷൻ സംവിധാനത്തിൽ തകരാർ റിപ്പോർട്ട് ചെയ്തതിന് ശേഷമാണ് ബന്ധം വേർപെട്ടത്. സ്വകാര്യ കാർഗോ കമ്പനിയായ കെ2 എയർവേയ്സിന്റെതാണ് വിമാനം. 27 വർഷം പഴക്കമുണ്ടായിരുന്നു.
Read More
റഡാറിൽനിന്ന് അപ്രത്യക്ഷമായി പാക്ക് വിമാനം; അറബിക്കടലിൽ തകർന്നു വീണു? തിരച്ചിൽ
‘ഇന്ത്യയുടെ സഹായം വേണം’; ആവശ്യവുമായി പാക്ക് അധീന കശ്മീർ നേതാവ്: പാക്കിസ്ഥാൻ വിരുദ്ധ പ്രക്ഷോഭം കനക്കുന്നു
പണ്ഡിതനും എഴുത്തുകാരനുമായ പിണങ്ങോട് അബൂബക്കര് ഹാജി (64) അന്തരിച്ചു
ഡൽഹിയിൽ നിന്ന് ദോഹയിലേക്ക് പോയ ഖത്തർ എയർവേയ്സ് വിമാനം കറാച്ചിയിൽ അടിയന്തരമായി ഇറക്കി
