March 17, 2021

സംസ്ഥാനത്തെ 9 നിയമസഭാ മണ്ഡലങ്ങളില്‍ വോട്ടെടുപ്പ് സമയത്തിൽ പരിഷ്കരണം. രാവിലെ 7 മണി മുതല്‍ വൈകുന്നേരം 6 മണി വരെയായിരിക്കും ഇവിടങ്ങളിൽ വോട്ടെടുപ്പ് നടത്തുന്നതെന്ന് മുഖ്യ തെരഞ്ഞെടുപ്പ് ഓഫീസര്‍ അറിയിച്ചു. മാനന്തവാടി, സുല്‍ത്താന്‍ ബത്തേരി, കല്‍പ്പറ്റ, ഏറനാട്, നിലമ്പൂര്‍, വണ്ടൂര്‍, കോങ്ങാട്, മണ്ണാര്‍ക്കാട്, മലമ്പുഴ എന്നീ മണ്ഡലങ്ങളിലാണ് പുതിയ സമയക്രമം. മറ്റ് നിയമസഭാ മണ്ഡലങ്ങളില്‍ രാവിലെ 7 മണി മുതല്‍ വൈകുന്നേരം 7 മണിവരെയാണ് വോട്ടെടുപ്പ്    

കൽപ്പറ്റ: സ്ഥാനാർത്ഥി പ്രഖ്യാപനത്തിന് ശേഷം ജില്ലയിലെത്തിയ യു.ഡി.എഫ് സ്ഥാനാർത്ഥി അഡ്വ. ടി. സിദ്ധിഖിന് പ്രവർത്തകർ വൻ വരവേൽപ്പ് നൽകി. ലക്കിടിയിൽ നിന്നും സ്വീകരണം നൽകി വൈകിട്ട്ഏഴു മണിക്ക് കൽപ്പറ്റ നഗരത്തിൽ എത്തി. ഘടകകക്ഷികൾ ഉൾപ്പെടെ നൂറുകണക്കിന് പ്രവർത്തകർ വാഹനങ്ങളുടെ അകമ്പടിയോടെ അണിനിരന്നു. കോൺഗ്രസിലെ ചില ഉന്നത നേതാക്കന്മാരുടെ അസാന്നിധ്യം ശ്രദ്ധിക്കപ്പെട്ടു.

വയനാട് ജില്ലയില്‍ ഇന്ന് 59 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 100 പേര്‍ രോഗമുക്തി നേടി. 57 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 27814 ആയി. 26997 പേര്‍ ഇതുവരെ രോഗമുക്തരായി. നിലവില്‍ 640 പേരാണ് ചികിത്സയിലുള്ളത്. ഇവരില്‍ 575 പേര്‍ വീടുകളിലാണ് ഐസൊലേഷനില്‍ കഴിയുന്നത്. രോഗം സ്ഥിരീകരിച്ചവര്‍ കല്‍പ്പറ്റ 10, മീനങ്ങാടി 7, ബത്തേരി, വെള്ളമുണ്ട 6 വീതം, മുള്ളന്‍കൊല്ലി…

എൽ ഡി എഫ് സ്ഥാനാർത്ഥി എം എസ് വിശ്വനാഥന്റെ തിരഞ്ഞെടുപ്പ് പ്രചരണത്തിന് കൊഴുപ്പേകാൻ മുഖ്യമന്ത്രി പിണറായി വിജയൻ സുൽത്താൻ ബത്തേരിയിൽ എത്തി. സുൽത്താൻ ബത്തേരി ഗാന്ധി ജംഗ്ഷനിൽ സംഘടിപ്പിച്ച പൊതുപരിപാടിയിൽ ആയിരകണക്കിനാളുകൾ പങ്കെടുത്തു. പരിപാടിയിൽ LDF നിയോജക മണ്ഡലം കൺവീനർ വി പി ബേബി സ്വാഗതം പറഞ്ഞു.കെ ജെ ദേവസ്യ അദ്ധ്യക്ഷത വഹിച്ചു. എം എസ് വിശ്വനാഥൻ ,സി പി ഐ എം കേന്ദ്ര കമ്മിറ്റി അംഗം പി കെ ശ്രീമതി ടീച്ചർ, വിജയൻ ചെറുകര, സി…

സുൽത്താൻ ബത്തേരി: ആവേശം വിതറി നടക്കുന്ന പഞ്ചായത്ത് കൺവെൻഷനുകളിലൂടെ ഐ സി ബാലകൃഷ്ണൻ്റെ പരസ്യ പ്രചരണത്തിന് തുടക്കമായി. ആദ്യ ദിവസം മുള്ളൻകൊല്ലി, പുൽപ്പള്ളി, മീനങ്ങാടി, പൂതാടി പഞ്ചായത്തുകളിലാണ് കൺവെൻഷനുകൾ നടന്നത്.ഇന്ന് രാവിലെ 10ന് അമ്പലവയൽ,11ന് നെന്മേനി, 2ന് നൂൽപ്പുഴ, 3ന് സുൽത്താൻ ബത്തേരി തുടങ്ങിയ പഞ്ചായത്തുകളിലാണ് കൺവെൻഷനുകൾ നടക്കുക.പഞ്ചായത്ത്തല കൺവെൻഷനുകൾക്ക് ശേഷം ബൂത്ത് കൺവെൻഷനുകളും കുടുംബയോഗങ്ങളും നടക്കും.10 വർഷക്കാലത്തെ വികസനനേട്ടങ്ങൾ എടുത്ത് പറഞ്ഞ് കൊണ്ട് പ്രാദേശിക റാലികളടക്കമുള്ള വലിയ പ്രചരണ പരിപാടികളാണ് യു ഡി എഫ് ആസൂത്രണം…